​Rusia dëshiron të shpallë fitoren më 24 shkurt

Rusia ka udhëzuar propaganduesit e saj që të shpallin “fitoren” në luftën “kundër Ukrainës dhe NATO-s” më 24 shkurt, në përvjetorin e tretë të pushtimit të saj në shkallë të plotë, sipas Shërbimit të Inteligjencës Ushtarake të Ukrainës (HUR), raporton Kyiv Independent.

Sipas shërbimit të inteligjencës, qëllimi i Rusisë është të mbjellë kaos mes ukrainasve, të destabilizojë situatën në vend dhe të diskreditojë Ukrainën midis aleatëve të saj.

Ata gjithashtu pretendojnë se shërbimet e inteligjencës ruse planifikojnë të përhapin narrativin se “Ukraina është tradhtuar” nga Perëndimi dhe SHBA.

“Propaganda ruse do të vazhdojë gjithashtu të vërë në dyshim legjitimitetin e presidentit Volodymyr Zelensky dhe zyrtarëve të korruptuar ukrainas që po vjedhin ndihmën amerikane”, thonë ata.

HUR deklaron se Kremlini mund të përdorë bisedimet e fundit midis SHBA-së dhe Rusisë në Arabinë Saudite për të imponuar kushtet e saj të paqes në botë, duke u përpjekur të portretizojë qeveritë në Evropë që mbështesin Kievin si “armiq të paqes”.

Nuk u morën vendime konkrete pas takimit mes delegacionit amerikan dhe rus, por përjashtimi i Ukrainës shkaktoi alarm në Kiev dhe Evropë.