Rusia po planifikon paradën e ‘ditës së fitores’ në Mariupol

Rusia mund të jetë duke planifikuar një “paradë të Ditës së Fitores” në qytetin port të shkatërruar ukrainas të Mariupolit, ka thënë në Telegram Petro Andryushchenko, një ndihmës i kryebashkiakut të qytetit.
Ai shtoi se Kostyantyn Ivashchenko, të cilin trupat ruse e vunë në krye të pjesëve të Mariupolit nën kontrollin e tyre, u urdhërua “të pastrojë një pjesë të rrethit qendror të qytetit nga rrënojat dhe trupat e vdekur për të siguruar që një paradë të mund të mbahet më 9 maj”.
“Duke gjykuar nga e gjithë grupi i të dhënave, pushtuesit po planifikojnë të mbajnë një “karnaval fitoreje” në Mariupol në rast se “operacioni i tyre special” është i suksesshëm. Lajmi i mirë është se nuk ka automjete apo njerëz në qytet për të kryer ngjarje të tilla”, ka thënë Andryushchenko.
Parada do të përkojë me festën më të madhe publike të Rusisë, Ditën e Fitores, e cila mbahet çdo vit më 9 maj për të festuar triumfin mbi Gjermaninë naziste në Luftën e Dytë Botërore./21Media