​Vizita e Blinken, Rama: Ka domethënie të veçantë për kontekstin në të cilin ndodhet sot Evropa

Kryeministri  i Shqipërisë Edi Rama e konsideron domethënëse vizitën e sekretarit amerikan të Shtetit, Antony Blinken në Tiranë, nisur nga situata në të cilën ndodhet sot Evropa.

Ai këto komente i bëri sot pas mbledhjes së Asamblesë Kombëtare të Partisë Socialiste në Tiranë.

“Në radhë të parë besoj që ka domethënie të veçantë ardhja në Tiranë për kontekstin në të cilin ndodhet sot Evropa dhe bota për kohën shumë të ngarkuar për një sekretar shteti që fakti që gjen të nevojshme dhe vendos agjendën të ndalet në kryeqytetin shqiptar si pikë referimi për rajonin për ku e kemi ngritur në arenë ndërkombëtare dhe çfarë përfaqëson Shqipëria sot, Shqipëria është forca e shembullit për të ndërtuar paqen, rrugët e bashkëpunimit një ardhme të përbashkët e kaluar e mbushur me tragjedi me prapambetje raste të humbura për t’i lënë një vend më të mirë gjeneratat”, ka thënë Rama.