Presidentja udhëtoi për në Japoni

Presidentja Vjosa Osmani ka udhëtuar sot për në Japoni, ku krahas shumë liderëve të tjerë botërorë do të jetë prezente në hapjen e Lojërave Olimpike Tokio 2020.

Ajo poashtu, gjatë ditëve në vijim, do të zhvillojë një sërë takimesh bilaterale me përfaqësues të shtetit japonez, thuhet në njoftimin e Presidencës.

Gjatë qëndrimit në Tokio, Osmani së bashku me liderë të tjerë botërorë do të pritet nga Perandori Naruhito. Teksa në kuadër të takimeve bilaterale, presidentja do të realizojë takime me kryeministrin e Japonisë, Yoshihide Suga, ministrin e jashtëm Toshimitsu Motegi, me përfaqësues të organizatave ekonomike e tregtare, si dhe me përfaqësues të tjerë shtetëror.
Ndryshe, Kosova do të përfaqësohet me 11 sportistë në Lojërat Olimpike Tokio.
Osmani ka përgëzuar sportistët kosovarë, duke uruar që secili nga ta të triumfojë në disiplinat përkatëse sportive./21Media