PSD-ja me aksion simbolik para Qeverisë, vendos një plumb para hyrjes
Pas vrasjes së një gruaje në Peje, Partia Socialdemokrate (PSD) zhvilloi një aksion simbolik para Qeverisë së Kosovës duke e vendosur një plumb para hyrjes.
Aktivistja e Partisë Socialdemokrate, Donjeta Demolli, tha se institucionet nuk po bëjnë mjaftueshëm për mbrojtjen e grave në Kosovë.
“Përderisa kjo Qeveri dhe Presidenca po defilojnë nëpër samite të paqes duke i treguar botës se çka është paqja e duke kompozuar këngë në jetë paralele ku gratë po përballen me plumba është duke ndodhur në Kosovë. Kjo është treguesi më i qartë që performanca dhe simbolikat e Qeverisë dhe Presidencës nuk ua kanë nderuar jetën grave”, u shpreh ajo.
RTV21 ka siguruar pamje nga vendi i ngjarjes.