Punëtorët e Postës kërkojnë që pagat nga Qeveria
“Ata ende nuk i kanë marrë pagat e gushtit”
Punëtorët e Postës sot kanë mbajtur një protestë para Qeverisë së Kosovës. Me parullat “Qeveri, posta duhet të shpërndajë dërgesat”, “Respekto ligjet tua”, “Duam shërbime që i ka secila postë shtetërore”, ata kërkuan rimbursimin e pagesave postare nga Qeveria.
Etrit Hoti, kryetar i Sindikatës së punëtorëve të Postës, tha se ata ende nuk i kanë marrë pagat e gushtit.
Këtë, e ka cilësuar si papërgjegjshmëri të institucioneve. Ai tha se qeveria duhet t’i përmbushë detyrimet ligjore. Hoti ka shtuar se posta duhet të krijojë skemat pensionale dhe shërbimin PostBank.
Kryetari i BSPK-së, Avni Hajdini tha se kjo protestë iu është imponuar nga qeveria. Ai tha se sot po apelojnë te qeveria që t’ua japë pagat dhe t’i realizojë kërkesat e punëtorëve.
Kryetari i SBASHK-ut, Rrahman Jasharaj tha se kjo sindikatë e përkrahë protestën dhe bëri lutje nga qeveria që t’i përmbushë kërkesat e punëtorëve, para se këto protesta të bëhen masovike.
Pas protestës përfaqësues të punëtorëve janë ftuar brenda në ndërtesën e Qeverisë për një takim me kryeministrin Ramush Haradinaj.
