Punonjësit e BE-së marrin 8.5% më shumë pagë

Pagat vjetore të zyrtarëve të BE-së rregullohen drejtpërdrejt me inflacionin. Rritja aktuale thuhet të jetë 8.5 për qind – kjo po shkakton kritika.
Një rregullim automatik i pagave, i lidhur drejtpërdrejt me inflacionin, ka një rritje të tillë çdo vit për zyrtarët e BE -së. Me një normë të moderuar inflacioni, rregullimi është shpesh aq i lartë sa në grupet e tjera të profesioneve. Kur inflacioni është i lartë, logjikisht, shifrat janë më të dukshme. Të paktën 8.5 për qind më shumë pagë presin punonjësit e BE-së, raporton “Handelsblatt”.
Llogaritja bazohet në vlerën e vendeve Belgjikë dhe Luksemburg, ku janë vendosur autoritetet e BE-së. Këto janë aktualisht 9.4 për qind dhe 8.5 për qind, transmeton rtv21.tv.
Ekspertët e ekonomisë kritikojnë një rregullim të përgjithshëm, automatik. Ata paralajmërojnë për një spirale negative çmimesh. Inflacioni i lartë rezulton në rritje të forta të pagave, të cilat nga ana e tyre rrisin nivelin e çmimeve. Kështu, inflacioni do të “ushqehej vetë”. Edhe ekspertët e Bankës Qendrore Evropiane (BQE) po paralajmërojnë.
Që nga viti 2013, ka një “përditësim” automatik vjetor të pagave për punonjësit e BE-së, në të cilin zhvillimi i pagave përshtatet me nivelin e rritur të çmimeve. Kjo do të thotë se nuk ka humbje pagash për deputetët dhe punonjësit e tjerë, pavarësisht rritjes së çmimit./21Media