Putin i thotë Polonisë se do të reagojë nëse kjo e fundit bën agresion ndaj Bjellorusisë

Presidenti rus Vladimir Putin ka akuzuar Poloninë se ka ambicie territoriale në ish-Bashkimin Sovjetik dhe tha se çdo agresion kundër aleatit të ngushtë Bjellorusisë do të konsiderohej një kërcënim kundër Rusisë.

Në një takim televiziv të Këshillit të tij të Sigurimit, Putin tha se Moska do të reagonte ndaj çdo agresioni kundër Bjellorusisë “me të gjitha mjetet në dispozicionin tonë”.

Polonia, një anëtare e aleancës ushtarake perëndimore të NATO-s, filloi të lëvizte më shumë se 1000 trupa, së bashku me pajisje ushtarake, në lindje të vendit ndërsa luftëtarët rusë Wagner mbërritën në Bjellorusi.

Të enjten, ministria polake e mbrojtjes tha: “Kufijtë e Polonisë janë të sigurt, ne po monitorojmë situatën në kufirin tonë lindor në mënyrë të vazhdueshme dhe jemi të përgatitur për skenarë të ndryshëm ndërsa situata zhvillohet”. /21Media