Putin iu kundërpërgjigjet liderëve të G7, pasi ata u tallen me pozat e tij

Presidenti rus, Vladimir Putin iu është kundërpërgjigjur liderëve perëndimorë që talleshin me imazhin e tij topless këtë javë, duke thënë se do të ishte “e neveritshme” t’i shihje të zhveshur.
Kjo vjen pasi udhëheqësit në samitin e G7 u tallën me tendencën e presidentit rus për të pozuar për foto topless.
Por, Putin sugjeroi se homologët e tij duhet të heqin dorë nga alkooli dhe të bëjnë më shumë sport, transmeton rtv21.tv.
Putini është fotografuar disa herë pa këmishë në mediat shtetërore ruse, duke hipur në kalë, duke mbajtur një pushkë gjuetie dhe duke shkuar për peshkim.
Fotot janë interpretuar gjerësisht si presidenti rus që kërkon të projektojë një ndjenjë mashkullore që tërheq shumë rusë.
Në samitin e G7 në Gjermani në fillim të kësaj jave, kryeministri i Mbretërisë së Bashkuar, Boris Johnson e goditi atë, duke bërë shaka se liderët duhet të heqin rrobat e tyre për të “treguar se ne jemi më të ashpër se Putini”./21Media