Putin: Ka pasur përpjekje për të më vrarë

Rrëfehet Presidenti i Rusisë

Presidenti i Rusisë, Vladimir Putin, në intervistën dhënë regjisorit Oliver Stone, deklaroi se janë bërë disa përpjekje për atentat kundër tij.

Stone i tha Putinit se ka dëgjuar se ka pasur pesë përpjekje për atentat kundër tij dhe i tha se rasti i tij nuk është si ai i Kastros, kundër të cilit ka pasur rreth 50 tentim-atentate.

Putin më pas tha se ka biseduar me Kastron për këtë, me ç’rast vetë Kastro e kishte pyetur se a e di se pse është ende gjallë dhe i kishte treguar se ka mbijetuar vetëm falë faktit se ka përzgjedhur personalisht pjesëtarët e sigurimit të tij.

Në konstatimin e Stone-it se hapi i parë në përgatitjen e një atentati është infiltrimi i ndonjë agjenti në radhët e sigurimit të Presidentit, ndërsa putin u përgjigj, A dini çka thonë rusët? Ata që janë të gjykuar që të varën, nuk do të mbyten në ujë.

Gjatë intervistës u përmend edhe çështja e spiunimit, me ç’rast Putin tha se shërbimet ruse të inteligjencës punojnë në përputhje të plotë me ligjin.

Intervista e plotë e Stone me Putinin do të transmetohet prej 12 deri më 15 qershor, ndërsa pjesë të saj tashmë janë transmetuar në News Week.