Qeveria deklarohet për RTV21 pas problemit me web-faqet e institucioneve

Telashet për qasje në Gazetën Zyrtare e Republikës së Kosovës, web-faqen e Qeverisë si dhe në platformën e-kosova janë sanuar dhe tani ato janë funksionale. Kështu për portalin rtv21.tv tha zëdhënësi i Qeverisë, Përparim Kryeziu.

“Në mëngjes ka pasur një problem teknik i cili është rregulluar shpejt. Të gjitha webfaqet tani janë funksionale”, tha ai për rtv21.tv.

Gazeta Zyrtare e Republikës së Kosovës dhe ueb-faqja e Qeverisë ishin jashtë funksionit mëngjesin e 7 prillit. Gjithashtu, probleme pati edhe platforma e shërbimeve online, e-kosova.

Bien përkohësisht nga sistemi disa webfaqe të institucioneve