Qeveria në detyrë mban mbledhje elektronike, miratoi tri vendime
Qeveria në detyrë e Kosovës ka mbajtur mbledhje elektronike të premten, në të cilën ka miratuar dy raporte dhe ka aprovuar një udhëzim administrativ për ndryshimin dhe plotësimin e një udhëzimi administrativ tjetër.
Sipas njoftimit të Kryeministrisë, Qeveria në detyrë në mbledhjen e saj ka miratuar raportin vjetor financiar për buxhetin e Kosovës për vitin 2024 dhe ka miratuar raportin e vlerësimit të përshtatshmërisë së sistemit të financimit të komunave për vitin 2024.
Ndërsa, ka aprovuar udhëzimin administrativ për ndryshimin dhe plotësimin e udhëzimit administrativ nr. 07\2023 për ambalazhin dhe mbeturinat e ambalazhit.
Lexim me zë
Dëshiron ta dëgjosh këtë lajm me zë?