Qeveria në detyrë mblidhet sot, pritet të emërohen disa anëtarë të bordeve

Qeveria e Kosovës sot mban mbledhje.

Siç bëhet e ditur në njoftimin e Zyrës së Kryeministrit mbledhja do të mbahet në ora 10:00.

Në rend të ditës janë gjithsej 10 pika.

Ndër të tjera në mbledhjen e sotme pritet të emërohen disa anëtarë të bordeve, si dhe do të shqyrtohen disa propozim-vendime për shpronësim të disa pronave.

Sot po ashtu pritet të shqyrtohet propozim-vendimi për hartimin e planit hapësinor për Kompleksin Memorial “Adem Jashari”, në Prekaz.