Qeveria në detyrë ndan 4 milionë euro për policat e sigurimit të mërgimtarëve, 625 mijë euro për arsimin në Luginë

Qeveria në detyrë e Kosovës ka marrë vendim që të ndajë 4 milionë euro për mbulim të kostos së policave të sigurimit për mërgimtarët që vinë në Kosovë për pushime.

Vendimi u miratua në mbledhjen e sotme të Qeverisë.

“Sot do të ndajmë vlerën prej 4 milionë euro për të mbuluar koston për policat e subvencionuara për mërgatën, të cilën përgjatë verës dhe pjesës tjetër të vitit vijnë dhe kthehen në atdhe”, tha Ministri i Financave, Hekuran Murati.

Qeveria gjithashtu ka miratuar edhe vendimin për ndarjen e 625 mijë e 400 eurove për mbështetjen e arsimit dhe lobimit institucional për shqiptarët në Preshevë, Bujanoc dhe Medvegjë.