“Qytetarët mund të aplikojnë për pasaportë apo letërnjoftim në çdo komunë”

Kështu ka njoftuar gjatë ditës së sotme Ministria e Punëve të Brendshme e Kosovës

Ministria e Punëve të Brendshme – Agjencia e Regjistrimit Civil ka njoftuar se nga sot, të gjithë qytetarët e Republikës së Kosovës mund të aplikojnë për pasaportë apo letërnjoftim, në çdo komunë të Republikës së Kosovës, pa marrë parasysh se nga cila komunë janë ata.

Po ashtu në  njoftim thuhet  se tërheqja e dokumenteve duhet të bëhet në atë qendër ku është bërë aplikimi.

“Kjo procedurë mundëson që ky shërbim të jetë më afër qytetarëve, sidomos studentëve, punëtorëve, pavarësisht vendbanimit të tyre”, thuhet në njoftim.