Qytetarëve të Pejës u kërkohet që nesër ta kufizojnë qarkullimin me vetura

Qytetarëve të Pejës u kërkohet që nesër ta kufizojnë maksimalisht qarkullimin me vetura.

Sipas njoftimit të bërë nga Drejtoria për Punë  dhe Shërbime Publike në Pejë, nesër janë angazhuar cisterna për të pastruar rrugët, pasi ato janë të mbuluara nga balta si pasojë e vërshimeve që ndodhën dy ditë më parë.

“Pas vërshimeve të ndodhura para 2 ditësh, rrugët në qytet kanë mbetur të mbuluara nga balta dhe zhavorri. Me qëllim të pastrimit të tyre, Komuna e Pejës do të angazhojë disa cisterna, e ku do të ndihmohet edhe nga komunat e Istogut, Deçanit dhe Gjakovës. Po ashtu për ndihmë na janë ofruar edhe shumë komuna tjera, për të cilën gjë ne ju jemi mirënjohës. Andaj me qëllim të mospengimit, mos dëmtimit eventual të veturave gjatë pastrimit të rrugëve, dhe moskrijimit të tollovive në trafik, edhe një herë kërkojmë nga ju që maksimalisht të reduktoni lëvizjet me automjete nëpër rrugët në qytet”, thuhet në njoftimin e Drejtorisë në Facebook./21Media

Back to top button