Ra nga kalaja, humbi jetën një 71-vjeçar në Prizren
Një person i moshës 71 vjeçare ka vdekur në Prizren, pasi ka rënë nga Kalaja.
Rastin për media e ka konfirmuar zëdhënësi i Policisë për rajonin e Prizrenit, Shaqir Bytyqi.
“Më datën 09.09.2025, rreth orës 11:11, policia ka pranuar një informacion përmes telefonit se një person ishte rrëzuar nga Kështjella e Prizrenit. Menjëherë në drejtim të vendngjarjes janë nisur patrulla policore dhe autoambulanca. Në vendngjarje, patrulla policore ka konstatuar se bëhej fjalë për personin me inicialet M.K. (1954), i lindur në Llashkadrenoc, Malishevë, me vendbanim në Prizren. Sipas ekipit mjekësor të urgjencës, viktima ishte pa shenja jete”, ka deklaruar Bytyqi.
Lexim me zë
Dëshiron ta dëgjosh këtë lajm me zë?