Rama: Ndjesë Kosovës për mosdekretimin e Cakajt
Rama e cilëson si të turpshëm këtë veprim
Presidenti i Shqipërisë, Ilir Meta ka marrë vendim për mosdekretimin e Gent Cakajt, si ministër për Evropën dhe Punët e Jashtme. Lidhur me këtë, ka reaguar kryeministri i Shqipërisë, Edi Rama, duke thënë se ky veprim i presidentit Meta është jo vetëm antikushtetues po edhe i turpshëm. Për këtë Rama i ka kërkuar ndjesë Kosovës.
“Refuzimi i Presidentit për dekretimin e Ministrit të ri për Europën e Punët e Jashtme, është jo vetëm antikushtetues, po edhe i turpshëm. Argumentat e dhëna nga zoti President janë të frikshme për nivelin skandaloz dhe turpëruese për institucionin. Ndjesë Kosovës për këtë turp.”, ka shkruar Rama në një postim në Twitter.
Refuzimi i Presidentit për dekretimin e Ministrit të ri për Europën e Punët e Jashtme, është jo vetëm antikushtetues, po edhe i turpshëm👎Argumentat e dhëna nga zoti President janë të frikshme për nivelin skandaloz dhe turpëruese për institucionin👎Ndjesë Kosovës për këtë turp🙏
— Edi Rama (@ediramaal) January 10, 2019
Kosovari Gent Cakaj, u propozua nga Kryeministri Rama që të emërohet në postin e lënë bosh nga Ditmir Bushati, i cili u shkarkua nga kryeministri gjatë Asamblesë Kombëtare që u mbajt më 28 dhjetor./21Media