Rama takon von der Leyen në Pragë flasin për vendosjen e piketave për rrugën drejt BE-së
Kryeministri i Shqipërisë Edi Rama ka zhvilluar sot një takim në Pragë me presidenten e Komisionit Evropian, Ursula von der Leyen.
Në një postim në Facebook, i pari i qeverisë shqiptare ka shkruar se takimi është zhvilluar me qëllim vendosjen e ‘piketave’ për rrugën e përbashkët evropiane.
“Pragë – Me Ursula von der Leyen, presidenten e sapo zgjedhur të Komisionit Evropian, për piketat e rrugës sonë të përbashkët evropiane”, ka shkruar Rama.
Edi Rama ndodhet në Pragë ku nga sot e deri të dielën mbahet Forumi vjetor Globsec.