Rama: Të rrezikshme kërcënimet e Beogradit, të mos harrojmë se ne jemi në NATO
Kryeministri i Shqipërisë, Edi Rama reagoi pas dekalratave të ministrit i Mbrojtjes i Serbisë, Millosh Vuçeviq i cili ka kërcënuar Malin e Zi dhe Maqedoninë e Veriut se do të goditen si Ukraina, meqë e kanë njohur pavarësinë e Kosovës.
Kreu i qeverisë shqiptare i cilësoi “të rrezikshme dhe të papranueshme” kërcënimet e Beogradit.
“Kërcënimet kundër stabilitetit dhe integritetit të Maqedonisë së Veriut dhe Malit të Zi janë të rrezikshme dhe të papranueshme”, shkroi Rama në rrjetin social “X”.
Rama ritheskoi faktin se Shqipëria, Maqedonia e Veriut dhe Mali i Zi janë aleatë në NATO dhe se janë të përkushtuara ndaj njëra-tjetrës sa i përket sigurisë.
“Të mos harrojmë se Shqipëria, Maqedonia e Veriut dhe Mali i Zi janë aleatë të NATO-s plotësisht të përkushtuar ndaj sigurisë dhe integritetit territorial të njëri-tjetrit. Ne kemi arritur në dekadën e fundit në këtë rajon atë që askush nuk mund ta imagjinonte në dekada të pafundme më parë dhe nuk mund dhe nuk do të lejojmë askënd të na tërheqë prapa në të shkuarën që po e lëmë pas përgjithmonë! Së bashku! Evropa e Madhe është e ardhmja jonë e vetme”, shkroi Rama.
Threats against the stability and integrity of North Macedonia and Montenegro are dangerous and unacceptable. Let’s not forget that Albania, North Macedonia and Montenegro are NATO allies fully dedicated to the security and territorial integrity of one another. We have achieved…
— Edi Rama (@ediramaal) August 21, 2023
Dekalratat e Vuçeviq të papranueshme i ka cilësuar edhe Presidenti i Malit të Zi, Jakov Milatoviq.
Në rrjetin social X, ish-Twitter, Milatoviq theksoi se mbledhja e 28-të e Kuvendit është pasqyrë e vullnetit të qytetarëve të Malit të Zi, të cilët sipas Kushtetutës janë bartës të sovranitetit./21Media