​Raportohet për sulme iraniane në Irak, Bahrein dhe Oman

Sulmet e vazhdueshme iraniane kanë shkaktuar zjarre në të gjithë rajonin, ku dy tankerë u vunë në flakë pranë portit jugor të Irakut, Basra, duke detyruar ndërprerjen e operacioneve në terminalet e naftës së Iranit. Shumica e anëtarëve të ekuipazhit u shpëtuan, por njëri vdiq, shkruan BBC, transmeton KosovaPress.

Në Bahrein, ka një zjarr të madh pasi Irani shënjestroi tanket e naftës dhe karburantit pranë aeroportit ndërkombëtar. Tymi është aq i dendur sa autoritetet po u bëjnë thirrje njerëzve të mbajnë dritaret e tyre të mbyllura.

Në Oman, ekipet e zjarrfikësve ende po punojnë për të kontrolluar një flakë në tanket e magazinimit të karburantit nga sulmi i djeshëm në portin e Salalah – veçmas, Omani tani ka urdhëruar evakuimin e anijeve në terminalin e tij të eksportit të naftës si një masë paraprake.

Është e qartë se Irani synon të imponojë një tronditje të zgjatur ekonomike.

Korpusi i Gardës Revolucionare të tij ka paralajmëruar gjithashtu se institucionet financiare perëndimore tani janë një objektiv legjitim, pas një sulmi në një bankë iraniane.

Bankat ndërkombëtare kanë mbyllur zyrat e tyre në Gjirin Persik – HSBC në Katar, Citi dhe Standard Chartered në Dubai – duke u thënë punonjësve të qëndrojnë në shtëpi.