Rasti “Subvencionet”: 20 të akuzuar deklarohen të pafajshëm, 6 arrijnë marrëveshje për pranim fajësie

Në Gjykatën Themelore në Prishtinë, të martën u deklaruan të pafajshëm 20 të akuzuar në rastin e njohur si “Subvencionet”, ndërsa kanë arritur marrëveshje për pranim fajësie me Prokurorinë gjashtë të akuzuar.

Ndryshe, procedura penale në këtë rast është bashkuar në një lëndë të vetme të rasteve të “Subvencioneve” për 28 të akuzuarit: Hasan Maxharraj, Luan Statovci, Salih Statovci, Afrim Abazaj, Veton Prekazi, Kumrije Maxharraj, Kujtim Zariqi, Sadat Shkodra, Afërdita Gjokaj, Bejtullah Pira, Valdete Ismaili, Feriz Jonuzi, Alban Novosella, Berat Nika, Lulzim Hajdaraj, Musa Nivokazi, Bajram Gashi, Pajtim Krasniqi, Enver Ibishi, Artan Elezi, Bashkim Mani, Salih Ilazi, Halil Krasniqi, Almir Abdurrahmani, Ingrit Kuqi, Liridon Fandaj, Rasim Zekaj dhe Hazir Metaj, raporton “Betimi për Drejtësi”.

Të pafajshëm u deklaruan të akuzuarit: Hasan Maxharraj, Luan Statovci, Salih Statovci, Kumrije Maxharraj, Kujtim Zariqi, Sadat Shkodra, Afërdita Gjokaj, Bejtullah Pira, Feriz Jonuzi, Alban Novosella, Berat Nika, Lulzim Hajdaraj, Bajram Gashi, Artan Elezi, Bashkim Mani, Halil Krasniqi, Almir Abdurrahmani, Ingrit Kuqi, Liridon Fandaj dhe Rasim Zekaj.

Fillimisht, kryetarja e trupit gjykues, Medie Bytyqi në seancën e së martës mori aktvendim me të cilin veçoi procedurën për për dy të akuzuarit Enver Ibishi dhe Musa Nivokazi, pasi që paraprakisht njoftoi se ka një kërkesë të për veçimin e procedurës.

Ndërsa, refuzoi propozimin e mbrojtësit të të akuzuarës Afërdita Gjokaj, avokatit Musa Damati për veçimin e procedurës për të, me arsyetimin se Gjykata do të sigurojë kushtet që e njëjta të përcjellë gjykimin.

Paraprakisht, prokurori special, Rafet Halimi njoftoi Gjykatën se me të akuzuarit Veton Prekazi, Hazir Metaj, Valdete Ismajli, Pajtim Krasniqi, Afrim Abazaj dhe Salih Ilazi, kjo Prokurori ka arritur marrëveshje për pranim fajësie.

Prokurori Halimi i propozoi trupit gjykues që për të akuzuarit Prekazi, Metaj, Ismajli dhe Krasniqi të aprovohet marrëveshja për pranimin e fajsisë. Ndërsa, për të akuzuarit Abazaj dhe Ilazi propozoi që shqiptimi i dënimit ndaj tyre të shtyhet deri në fund të këtij shqyrtimi gjyqësor pasi që ata kanë marrë statusin e dëshmitarit bashkëpunues dhe do të ftohen në cilësinë e dëshmitarëve në këtë shqyrtim.

Për të akuzuarin Abazaj, sipas marrëveshjes për pranimin e fajësisë për veprën penale “Marrje e ryshfetit”, u propozua dënimi me 5 mijë euro gjobë dhe gjashtë muaj burgim, mirëpo me pëlqimin e të akuzuarit dënimi me burgim propozohet të zëvendësohet me dënim me gjobë prej tre deri në pesë mijë euro.

Për të akuzuarin Ilazi, sipas marrëveshjes për pranimin e fajësisë për veprën pënale “Dhenie ryshfeti”, u propozua dënimi me gjobë prej 1 mijë euro dhe 1 vit burgim me kusht që i akuzuari nuk kryen vepër tjetër pemnale në afat prej 2 vitesh. Ndërsa, për veprën penale “Mashtrim me subvencione”, u propozua dënimi me burgim prej 6 muajsh dhe i njëjti dënim të zëvendesohet me gjobë prej 3 mijë euro.

Prokurori Halimi, propozoi dënim unik për të akuzuarin Abazaj me 1 vit burgim me kusht dhe gjobë 1 mijë euro, ndërsa për dënimin me gjashtë muaj burgim të zëvendesohet me 3 mijë euro gjobë.

Trupi gjykues, pas marrjes së mendimit të palëve mori aktvendim me të cilin e aprovoi propozimin e prokurorit Halimi, ku për të akuzuarit Prekazi, Metaj, Ismajli dhe Krasniqi do të bëhet shpallja e aktgjykimit, ndërsa për të akuzuarit Abazaj dhe Ilazi shqiptimi i dënimit do të bëhet në fund të këtij shqyrtimi gjyqësor.

Seanca në sesionin e pasditës vazhdoi me deklarimin e të akuzuarve lidhur me akuzën, ku të gjithë u deklaruan të pafajshëm.

Ndryshe, procedura penale në këtë rast është bashkuar në një lëndë të vetme të rasteve të “Subvencioneve” për 28 të akuzuarit: Hasan Maxharraj, Luan Statovci, Salih Statovci, Afrim Abazaj, Veton Prekazi, Kumrije Maxharraj, Kujtim Zariqi, Sadat Shkodra, Afërdita Gjokaj, Bejtullah Pira, Valdete Ismaili, Feriz Jonuzi, Alban Novosella, Berat Nika, Lulzim Hajdaraj, Musa Nivokazi, Bajram Gashi, Pajtim Krasniqi, Enver Ibishi, Artan Elezi, Bashkim Mani, Salih Ilazi, Halil Krasniqi, Almir Abdurrahmani, Ingrit Kuqi, Liridon Fandaj, Rasim Zekaj dhe Hazir Metaj.

Në cilat raste të “Subvencioneve” ngarkoheshin 28 të akuzuarit para se lënda të bashkohej në një të vetme?

Nga 28 të akuzuarit e lartpërmendur, disa prej të akuzuarve janë pjesë e më shumë se një rasti të aktakuzave të ndara të subvencioneve.

Kështu, pjesë e aktakuzës në rastin “Subvencionet 1” ishin: Hasan Maxharraj, Luan Statovci, Salih Statovci, Afrim Abazaj, Sadat Shkodra, Berat Nika, Lulzim Hajdaraj, Musa Nivokazi, Almir Abdurrahmani.

Në rastin “Subvencionet 2”, janë të akuzuarit: Luan Statovci, Sadat Shkodra, Berat Nika, Rasim Zekaj dhe Hazir Metaj.

Në rastin “Subvencionet 3” janë të akuzuarit: Hasan Maxharraj, Luan Statovci, Veton Prekazi, Salih Statovci, Afrim Abazaj dhe Kumrije Maxharraj.

Në rastin “Subvencionet 4” janë të akuzuarit: Hasan Maxharraj, Luan Statovci, Berat Nika, Musa Nivokazi, Bajram Gashi, Pajtim Krasniqi dhe Lulzim Hajdaraj.

Në rastin “Subvencionet 5” janë të akuzuarit: Kujtim Zariqi, Luan Statovci, Sadat Shkodra, Afërdita Gjokaj, Bejtullah Pira, Valdete Ismaili, Feriz Jonuzi dhe Alban Novosella.

Në rastin “Subvencionet 6” janë të akuzuarit: Liridon Fandaj, Enver Ibishi, Luan Statovci, Berat Nika, Artan Elezi, Bashkim Mani, Salih Statovci, Almir Abdurrahmani, Ingrit Kuqi, Halil Krasniqi dhe Salih Ilazi.

Aktakuza në rastin “Subvencionet 1” ngarkon 21 të akuzuar:

Në shkurt të 2022-ës, PSRK kishte ngritur aktakuzë ndaj 21 të pandehurve, në rastin “Subvencionet 1”, të cilët janë: Luan Statovci, Sadat Shkodra, Salih Statovci, Berat Nika, Hasan Maxharraj, Kushtrim Zogaj, Habibe Dauti, Alban Bushati, Jeton Sylaj, Lulzim Hajdaraj, Musa Nivokazi, Almir Abdurrahmani, Salih Kelmendi, Bekim Shala, Fuat Morina, Dukagjin Mavraj, Flamur Zeqiri, Daut Kabashi, Kastriot Berisha, Afrim Abazaj dhe Florim Nimanaj.

Aktakuza e ndryshuar më 4 prill 2022 nga Prokuroria Speciale e Republikës së Kosovës, ngarkon Luan Statovcin, Sadat Shkodrën, Salih Statovcin, Berat Nikën, Hasan Maxharrajn, Kushtrim Zogajn, Jeton Sylajn, Lulzim Hajdarajn, Musa Nivokazin, Almir Abdurrahmanin, Salih Kelmendin, Fuat Morinën, Afrim Abazajn dhe Florim Nimanajn me veprat penale “Marrje ryshfeti”, “Keqpërdorim i detyrës apo autoritetit zyrtar”, “Mashtrim me subvencione”, e të tjera.

Aktakuza në rastin “Subvencionet 2” ngarkon 15 të akuzuar:

Sipas aktakuzës së 22 dhjetorit 2022, 15 të akuzuarit në rastin “Subvencionet II”, Luan Statovci, Blerim Mulliqi, Bekim Bruçi, Sedat Shkodra, Berat Nika, Gëzim Morina, Rasim Zekaj, Afrim Mehmetaj, Donard Draga, Dukagjin Deda, Ramdan Zeqiraj, Hazir Metaj, Sadri Berisha, Hysni Morina, dhe Pashk Krasniqi, ngarkohen për keqpërdorim të detyrës zyrtare, marrje ryshfeti, dhënie ryshfeti, mashtrim me subvencione dhe ushtrim ndikimi.

Aktakuza në rastin “Subvencionet 3” ngarkon 10 të akuzuar:

Në aktakuzën e Prokurorisë Speciale të Republikës së Kosovës (PSRK) për rastin “Subvencionet 3”, për veprat penale mashtrim me subvencione, marrje e dhënie ryshfeti dhe ndihmë në kryerjen e këtyre veprave, akuzohen Hasan Maxharraj, Luan Statovci, Veton Prekazi, Halit Avdijaj, Salih Statovci, Bejtush Gashi, Afrim Abazaj, Arbër Avdijaj, Sadush Kabashi dhe Kumrije Maxharraj.

Aktakuza në rastin “Subvencionet 4” ngarkon 10 të akuzuar:

Prokuroria e Speciale e Republikës së Kosovës (PSRK) më 23 nëntor 2023 ka ngritur aktakuzë ndaj 10 personave, prej tyre tetë zyrtarë dhe dy qytetarë, në rastin e njohur si “Subvencioni IV”.

Të akuzuarit në këtë rast janë: Hasan Maxharraj, Luan Statovci, Berat Nika, Sabit Shkodra, Musa Nivokazi, Bajram Gashi, Pajtim Krasniqi, Halit Berisha, Gjon Musolli dhe Lulzim Hajdari. Sipas aktakuzës 10 të akuzuarit të gjithë së bashku Prokuroria i ngarkon se kanë kryer veprat penale “Marrje ryshfeti”, “Ushtrim ndikimi”, “Mashtrim në detyrë”, “Ndihmë në veprën penale marrje ryshfeti”, “Dhënie ryshfeti”, si dhe “Mashtrim me subvencione”.

Aktakuza në rastin “Subvencionet 5” ngarkon 18 të akuzuar:

Prokuroria Speciale e Republikës së Kosovës (PSRK) më 21 mars 2024 ka ngritur aktakuzë në rastin “Subvencionet V” ndaj 18 të akuzuarve lidhur me keqpërdorimet me subvencione, duke i ngarkuar me veprat penale “Ushtrim ndikimi”, “Mashtrim me subvencione”, “Marrje ryshfeti”, “Dhënie ryshfeti” dhe “Keqpërdorim i pozitës apo autoritetit zyrtar”.

Sipas aktakuzës të akuzuar në këtë rast janë tetë zyrtarët: Kujtim Zariqi, Luan Statovci, Sadat Shkodra, Kastriote Bajrami-Sejdiu, Aferdita Gjokaj, Adushe Ukshini, Valon Hoti dhe Bejtullah Pira. Si dhe 10 qytetarët: Burim Selmani, Granit Avdyli, Valdete Ismaili, Feriz Jonuzi, Faruk Ymeri, Avdullah Terstena, Blerton Ostergllava, Avdyl Sejdiu, Muzafer Maliqi dhe Alban Novosella.

Aktakuza në rastin “Subvencionet 6” ngarkon 16 të akuzuar:

Prokuroria Speciale e Republikës së Kosovës (PSRK) më 12 prill 2024 ka ngritur aktakuzë ndaj 16 personave: Liridon Fondaj, Enver Ibishi, Luan Statovci, Berat Nika, Arton Elezi, Bashkim Mani, Salih Statovci, Almir Abdullahu, Ingrit Kuqi, Halil Krasniqi, Salih Ilazi, Festim Olluri, Milit Berisha, Halit Berisha, Sadat Qazimi dhe Fatmir Shala.

Aktakuza në këtë rast ngarkon të akuzuarit me veprat penale “Marrje ryshfeti”, “Keqpërdorim i detyrës apo autoritetit zyrtar”, “Mashtrim në detyrë”, “Falsifikim i dokumentit zyrtar”, “Pengim i të provuarit apo procedurës penale”, “Dhënie ryshfeti”, “Ndihmë në marrje ryshfeti”, “Falsifikim i dokumentit”, “Mashtrim me subvencione”, “Ndihmë në mashtrim me subvencione” dhe “Ndihmë në falsifikim të dokumenteve”./Betimi për Drejtësi