Realizohet një ndërhyrjet më komplekse në Kardiolgjinë e QKUK-së, shpëtohet jeta e 75 vjeçarit

December 27, 2023Përditesimi i fundit: December 27, 2023

Stafi profesional i shëndetësisë së QKUK-së i ka shpëtuar jetën një 75 vjeçari, duke bërë një nga ndërhyrjet komplekse në fushën e Kardiologjisë Inovazive.

Këtë e ka bërë të ditur Shërbimi Spitalor Klinik dhe Universitar i Kosovës (ShSKUK) përmes një postimi.

“Stentimi i kryer në Klinikën e Kardiologjisë të Qendrës Klinike Universitare të Kosovës, është trajtuar me sukses stentimi i LM-LAD tek pacienti 75 vjeç, dhe kjo paraqet një nga ndërhyrjet më komplekse në fushën e Kardiologjisë Invazive.Trajtimi i tillë bëhet vetëm në qendrat e njohura të kardiologjisë invazive në botë.”, thuhet në njoftim.

Paraprakisht bëhet e ditur se pacienti kishte ardhur në Klinikën e Kardiologjisë në QKUK, pasi kishte pësuar infarkt akut të miokardit, gjendje pas implantimit të CRT, Cardiomyopathy Dilatativa, Insuficiencë e avancuar kardiake, si dhe sëmundje të sheqerit.

“Fillimisht pacientit i ishte bërë Koronarografia dhe vërtetohet se ka ngushtime (stenoza) të avancuara të arterieve koronare, duke përfshirë edhe trungun e përbashkët (left main). Për shkak të kompleksitetit së sëmundjes kardiake (zemër e dilatuar, me fraksion ejeksioni rreth 25%, me pajisje sinkronizuese të zemrës – CRT të implantuar me herët), konziliumi kardiologë- kardiokirurgë vendosi për stentimin e trungut të përbashkët (unprotected left main coronary artery disease), pasi që pacienti ka rrezikshmëri të lartë për operacion të hapur (by-pass).”, bëhet e ditur në njoftim./21Media

Kurti për targat: Vendosim sapo ta vërtetojmë se Serbia po e zbaton vendimin e saj për targat RKS

Miratohet Projektligji për Këshillin e Sigurisë, Kurti: Synojmë fuqizimin e sektorit të sigurisë