Regjistrohet një rast i variantit të ri të COVID-19 në Maqedoninë Veriore

Ministria e Shëndetësisë informon opinionin se sot gjatë analizës së të dhënave nga pacientët pozitivë në janar, në laborator privat për gjenetikë dhe mjekësi të personalizuara në klinikën Zhan Mitrev, një mutacion i llojit britanik të virusit SarsKov 2 u zbulua në një strisho.

Bëhet fjalë për burrë 46 vjeçar i cili tashmë është shëruar, përkatësisht në bazën e të dhënave të Institutit të Shëndetit Publik pacienti nga 22 janari 2021 është regjistruar si i rikuperuar. Sipas informacionit nga ISHP, pacienti për herë të parë në 29 dhjetor 2020, për shkak të temperaturës së lartë dhe frymëmarrjes së vështirësuar, ka bërë test të shpejtë. Testi ka dalë pozitiv. Disa ditë më vonë, më 4 janar 2021, ai është paraqitur për kontroll në spitalin privat Zhan Mitrev, ku i është bërë PCR test i cili ishte pozitiv dhe pacienti menjëherë është hospitalizuar në spitalin privat.

Më 15 janar i është bërë edhe një test i cili gjithashtu ka qenë pozitiv.

Në anketën epidemiologjik, pacienti nuk ka paraqitur kontakte e as nuk ka deklaruar se ka udhëtuar jashtë vendit./TV21