Republikanja proserbe kundër blerjes së raketave nga Kosova: S’do të shpije në paqe
Kundër blerjes së raketave “Javelin” nga Kosova ka dalur Claudia Tenney, kongresistja republikane, tashmë e njohur për qëndrimet kundër Kosovës dhe mbështetëse për Serbinë.
Në një reagim në Twitter, Tenney ka thënë se do të propozojë rezolutë që kundërshton shitjen e armëve për Kosovën.
“Pajtimi i Departamentit të Shtetit që të çojë raketa ‘Javelin’ në Kosovë është jashtëzakonisht nxitëse, sidomos kur tensionet janë të larta në Ballkanin Perëndimor. Vendimi vetëm i jep flakë dhe e bën edhe më të mundshëm shpërthimin e ndonjë konflikti”, ka shkruar ajo.
Tenney ka shtuar se Kosova “vazhdon të injorojë zotimet ndërkombëtare, përfshirë atë të Marrëveshjes së Brukselit 2013.
“E dimë se dërgimi i armëve shtesë në Kosovë s’do të shpije në paqe”, ka shtuar ajo.
Dëshiron ta dëgjosh këtë lajm me zë?