Rita Ora dhe Dua Lipa reagojnë pas vdekjes së Jamal Edwards

Vdiq në moshën 31 vjeçare sipërmarrësi britanik dhe ylli i Youtube, Jamal Edwards.
Ai ishte themeluesi i SBTV, një platformë muzikore urbane në internet e cila ndihmoi në nisjen e karrierës së artistëve si Dave, Ed Sheeran dhe Skepta.
Për vdekjen e hershme të Jamal kanë reaguar edhe artistet shqiptare me famë ndërkombëtare, Rita Ora dhe Dua Lipa.
“Zemërthyer të dëgjoi këtë lajm. Prehu në paqe Jamal, mendimet e mia janë me gjithë miqtë dhe familjen e tij dhe shumë njerëzve jeta e të cilëve ka prekur dhe i ka bërë bashkë. Shkove shumë herët”, ka shkruar Dua.

Ndërkaq, edhe Rita kujtoi këngën e parë të saj dhe mbështetjen e pakusht të Jamal ndaj saj.
“Kënga ime e parë u lansua dhe ti ishe aty përkrah meje. Kjo është në lansimin e albumit tim “Phoenix” në 2018. Mbështetja që ti ke treguar për të gjithë artistet është e pabesueshme. Të dua Jam”, shkroi Rita.

Nuk janë dhënë detaje për vdekjen e Jamal, përveçse ajo ka ndodhur mëngjesin e së dielës./21Media