Rohde përgëzon vendimin e qeverisë për Manastirin e Deçanit
Ambasadori i Gjermanisë në Prishtinë, Jorn Rohde, ka mirëpritur vendimin e Qeverisë së Kosovës për Manastirin e Deçanit.
Rohde u shpreh se ky vendim edhe pse i vonuar, zbatimi tij shënon një hap të rëndësishëm në përkushtimin e shtetit në sundimin e ligjit.
“Më në fund është bërë. Edhe pse zbatimi i vendimit të Kushtetueses për Deçanin ishte shumë i vonuar, ai shënon një hap të rëndësishëm në përkushtimin e shtetit ndaj sundimit të ligjit. Ne përgëzojmë Qeverinë e Kosovës, të gjithë aktorët politikë të përfshirë dhe Manastirin e Deçanit për këtë moment historik” shkroi Rohde në platformën “X”.
Kujtojmë se sot gjatë ditës në mbledhjen e Qeverisë, kryeministri Albin Kurti bëri të ditur se i ka kërkuar Agjencisë Kadastrale të Kosovës që ta zbatojë vendimin e Kushtetueses për tokën e Manastirit të Deçanit./21Media
It’s finally done🙌🏽
Even though the implementation of the 🇽🇰 @Const_CourtRKS‘s Decani ruling was long overdue, it marks an important step in 🇽🇰’s commitment to rule of law⚖️. We congratulate the 🇽🇰 government, all political actors involved & the @DecaniMonastery on this milestone— Ambassador Jörn Rohde (@GermanAmbKOS) March 13, 2024