Rregullohen rrugët e evakuimit pas sulmit në Kramatorsk

Guvernatori ushtarak i rajonit Luhansk, Serhii Haidai tha se korridoret e evakuimit për civilët po rregulloheshin pas një sulmi me raketa ruse në stacionin e trenit Kramatorsk.
”Fatkeqësisht, pas fatkeqësisë së djeshme nga Kramatorsk, rrugët tona të evakuimit po rregullohen, por ne jemi gati, do të vazhdojmë të evakuojmë njerëzit”, tha Haidai.
Ky i fundit shtoi se bombardimet po vazhdonin në të gjithë rajonin.
“Të gjitha vendbanimet janë duke u granatuar. Zonat më të vështira janë Rubizhne, Popasna dhe komuniteti Hirske. Komuniteti Hirske granatohet nga mëngjesi deri në mbrëmje, vazhdimisht, armiku nuk është ndalur fare, qëllohet me të gjitha llojet e armëve, por edhe me avionë”, tha ai.
Të shtunën, zëvendëskryeministrja e Ukrainës, Iryna Vereshchuk, njoftoi në Telegram se janë rënë dakord për 10 korridore evakuimi.
Në rajonin e Donetskut, ajo tha se do të kishte një korridor nga Mariupol në Zaporizhzhia për automjetet private.
Në rajonin e Zaporizhzhia, Vereshchuk tha se katër korridore, nga Berdiansk, Tokmak, Enerhodar dhe Melitopol në Zaporizhzhia do të hapen për automjetet private dhe autobusët.
Në rajonin e Luhanskut, Vereshchuk emërtoi pesë korridore për në Bakhmut, që vinin nga Severodonetsk, Lysychansk, Popasna, Rubizhne dhe fshati Hirske./21Media