Rreth 17 milionë kafshë digjen në Brazil

Mes zymtësisë së vitit 2020, shkencëtarët në Brazil përmes një studimi kanë bërë të ditur se rreth 17 milionë kafshë u dogjen.
Zjarret midis janarit dhe nëntorit, kanë shkatërruar 30% të ligatinave më të mëdha tropikale në botë.
Shkencëtarët vlerësojnë se deri në 17 milionë vertebrorë – përfshirë zvarranikët, zogjtë dhe primatët – kanë ngordhur.
Mariana Napolitano Ferreira, drejtuese e shkencës në WWF-Brazil tha se kishte 22,000 zjarre të regjistruara gjatë atij viti.
Ky hulumtim i ri thekson, thonë studiuesit, rëndësinë e parandalimit të fatkeqësive të tilla në të ardhmen./21Media