Rreth 5500 refugjatë ukrainas kanë mbërritur në Irlandë

Rreth 5,500 refugjatë ukrainas kanë mbërritur në Irlandë që nga pushtimi i Rusisë në Ukrainë, tha të dielën Taoiseach Kryeministri, Micheál Martin.

“Ne kemi pasur rreth pesë mijë e gjysmë në Irlandë në këtë fazë,” i tha Martin Sophie Raworth të BBC-së në një intervistë.

Ai tutje tha se banorët e Ukrainës që shkojnë në Irlandë do të kenë mbrojtje sociale.

“Nëse ukrainasit vijnë në Irlandë, ata do të kenë akses në mbrojtjen tonë sociale. Akses në shërbimet tona shëndetësore, akses në arsimin tonë, e drejta për të punuar menjëherë. Dhe ne besojmë se kjo është gjëja e duhur për të bërë në kontekstin e zhvendosjes më të keqe të njerëzve dhe krizës së refugjatëve që nga Lufta e Dytë Botërore”, tha Martin./21Media