Rritet në 45 numri i të vdekurve pas sulmit me raketa ruse në ndërtesën e banimit

Numri i të vdekurve është rritur në 45 pas një sulmi me raketa ruse në një ndërtesë banimi në Chasiv Yar gjatë fundjavës, informoi Pavlo Kyrylenko, kreu i administratës ushtarake të rajonit Donetsk, në një postim në Telegram të martën.
Të paktën nëntë të tjerë u plagosën, shtoi ai.
Ndërtesa u godit të shtunën në mbrëmje, ndërsa Rusia edhe një herë shtoi sulmet e saj në qytete dhe qyteza në Ukrainën lindore në një përpjekje për të marrë kontrollin mbi të gjithë zonën e Donbasit.
Rreth 80% e rrënojave janë hequr dhe rreth 420 tonë metrikë të strukturave të shkatërruara janë pastruar, tha Kyrylenko. Operacioni i shpëtimit është në vazhdim.
Chasiv Yar dhe qytete të tjera në Donetsk kanë qenë nën zjarr të fortë ditët e fundit, ndërsa forcat ruse përpiqen të mposhtin rezistencën ukrainase në zonë dhe të lëvizin më në perëndim drejt Kramatorskut dhe Slovianskut, shkruan CNN./21Media