Rritet numri i të vdekurve nga sulmi rus në një ndërtesë banimi në Donetsk

“Të paktën 34 njerëz vdiqën dhe të paktën nëntë u plagosën në sulm”, tha Pavlo Kyrylenko, kreu i administratës ushtarake të rajonit të Donetsk, në kanalin e tij zyrtar Telegram të martën. Një nga ata që vdiqën ishte një fëmijë, shtoi ai.

“Operacioni i shpëtimit po vazhdon dhe shërbimet e urgjencës kanë pastruar rreth 70% të rrënojave”, tha Kyrylenko, shkruan CNN, përcjell rtv21.tv

Ndërtesa e banimit në qytetin e Chasiv Yar u godit të shtunën në mbrëmje pasi Rusia i shtoi edhe një herë sulmet e saj mbi qytetet dhe qytezat në Ukrainën lindore në një përpjekje për të marrë kontrollin mbi të gjithë zonën e Donbasit.

Chasiv Yar dhe qytete të tjera në Donetsk kanë qenë nën zjarr të fortë ditët e fundit, ndërsa forcat ruse përpiqen të mposhtin rezistencën ukrainase në zonë dhe të lëvizin më në perëndim drejt Kramatorsk-ut dhe Sloviansk-ut./21Media