Rritja ekonomike italiane në ngecje

Rritja ekonomike është në ngecje dhe normat e larta rekord të interesit pavarësisht rënies së inflacionit po frenojnë konsumin dhe investimet, tha Confindustria, shoqata kryesore që përfaqëson kompanitë e prodhimit dhe shërbimeve në Itali, të shtunën.

“Bruto prodhimi vendor ka mbetur në ngecje në tremujorin e tretë dhe treguesit tregojnë se në fillim të tremujorit të katërt, aktiviteti në sektorin e shërbimeve është paksa në rënie, ashtu si në industri”, tha shoqata e punëdhënësve industrialë në raportin e saj të rregullt të situatës ekonomike.

Confindustria raportoi se megjithëse inflacioni në Itali është rikthyer nën dy për qind, normat e interesit mbeten në një nivel rekord dhe po bllokojnë kanalin e kredisë, duke frenuar konsumin dhe investimet.

“Me luftërat e vazhdueshme, pasiguria po rritet, por jo kostoja e energjisë (deri tani), e cila është, megjithatë, shumë më e lartë se përpara krizës energjetike,” shtoi shoqata.