Rusia thotë se pezullimi i saj nga OKB-ja është “i motivuar politikisht”

Moska ka thënë se vendimi për të pezulluar Rusinë nga Këshilli i të Drejtave të Njeriut të Kombeve të Bashkuara të enjten ishte “i paligjshëm” dhe “i motivuar politikisht”.
Votimi në Asamblenë e Përgjithshme të Kombeve të Bashkuara pa 93 shtete anëtare që votuan për pezullimin e Rusisë (58 abstenuan dhe 24 votuan kundër), tranmeton rtv21.tv.
Zëdhënësi i Kremlinit, Dmitry Peskov, i tha Sky News, se Rusisë i vjen keq për vendimin dhe do të vazhdojë të mbrojë interesat e saj “duke përdorur çdo mjet të mundshëm ligjor”.
Ky është suspendimi i dytë ndonjëherë i një vendi nga Këshilli i të Drejtave të Njeriut. E para ishte Libia në vitin 2011./21Media