Sali Berisha ngushëllon familjen e ish-kryeministrit Fatos Nano

Kryetari i Partisë Demokratike të Shqipërisë Sali Berisha, i ka shprehur ngushëllime familjes me rastin e ndarjes nga jeta të ish-kryeministrit Fatos Nano në moshën 73-vjeçare.

Sali Berisha ka përkujtuar se Fatos Nano ka meritën e reformimit të Partisë Socialiste, anëtarësimin e saj në forume të majta ndërkombëtare dhe pranimin nga ai vetë të rotacionit të pushtetit.

“Fatos Nano, ish-kryeministër i vendit dhe ish-kryetar i Partisë Socialiste, personalitet kryesor i të majtës shqiptare gjatë tranzicionit, mbylli sytë përgjithmonë. Me këtë rast shpreh ngushëllime familjes, miqve, të afërmve të tij dhe socialistëve. Amen”, ka shkruar Berisha.