Scholz: Kosova e Serbia duhet t’i zbatojnë marrëveshjet
(Lajm i përditësuar)
Kancelari gjerman, Olaf Scholz, ka deklaruar se përshkallëzimi i situatës në veri të Kosovës dëshmon faktin se Kosova e Serbia duhet të zbatojnë marrëveshjen e dakorduar.
Ai ka deklaruar gjatë Samitit në Procesin e Berlinit që po mbahet në Tiranë se është i kënaqur me punën e ndërmjetësve të Bashkimit Evropian mbi dialogun Kosovë-Serbi.
“Procesi i Berlinit është instrumenti më i mirë edhe për përshpejtimin e integrimit të të gjitha vendeve të Ballkanit Perëndimor. Procesi i Berlinit është proces bashkëpunimi…Kur situata përshkallëzohet, ne duhet të përfundojmë me zbatimin e marrëveshjeve që janë arritur me anë të dialogut të normalizuar nga Bashkimi Evropian”, ka thënë Scholz.
Scholz mbërrin në Samitin e Berlinit në Tiranë
Kancelari i Gjermanisë, Olaf Scholz u është bashkuar liderëve rajonal e evropian në Samitin e Berlinit që po mbahet nnë Tiranë.
Scholz është pritur nga kryeministri i Shqipërisë, Edi Rama.