Selimi: Drenicën s’mund ta përfaqësojnë ata që sollën Gjykatën Speciale

Veton Seferi tha se Drenica ka nevojë për Vetëvendosjen

Kandidati për kryeministër nga Vetëvëndosja, Albin Kurti tha se Skenderaj i ka dhënë shumë popullit, por që ky vend u ndëshkua me moszhvillim e varfëri. Ai tha se Vetëvendosje ka shumë punë për të bërë, pasiqë në Kosovë ka papunësi të madhe.

Kurti tha se partitë e kanë pushtetin e në program dhe nuk kanë as program politik dhe as ekonomik. Në Skenderaj, Kurti paraqiti edhe programin e kësaj partie, ku tha se prodhimi bujqësor, industrial dhe zejtar do të ndihmohet dhe do të përkrahet nga qeveria, në mënyrë që të zvogëlohet importi dhe të rritet punësimi.

Kandidati për deputet nga Skenderaj, Veton Seferi tha se Vetëvendosjes i është bashkuar rinia, sepse është e vetmja shpresë dhe se Skenderaj ka nevojë për qeverisjen e Vetëvendosjes. Seferi pati një porosi edhe për kandidatin për kryeministër, Albin Kurtin, ku i tha që ta ketë në konsideratë Drenicën sepse Drenica ka nevojë për Vetëvendosjen.

Selimi tha se Vetëvendosja do të ia bëjë edhe një shërbim Drenicës, ku ai tha se me 11 qershor Vetëvendosje do të dojë t’i ndajë njëherë e përgjithmonë të mashtruarit nga mashtruesit. ”Drenicën nuk mund ta përfaqësojnë ata të cilët ia sollën Gjykatën Speciale UCK-së, Drenica nuk do të përfaqësohen edhe më tutje me ata që ia sollën ‘Zajednicën’  Kosovës”, tha Selimi.