Sergio Busquets transferohet në Inter Miami

Futbollisti legjendar spanjoll Sergio Busquets i është bashkuar Inter Miamit, njoftoi klubi amerikan, transmeton Anadolu.

Mesfushori 35-vjeçar do të qëndrojë me skuadrën e ligës së parë amerikane “MLS” për dy vjet.

“Kjo është një mundësi e veçantë dhe emocionuese që jam shumë i emocionuar ta shfrytëzoj. Mezi po pres këtë hap tjetër në karrierën time me Inter Miamin”, ka thënë Busquets.

“Më bëri përshtypje klubi kur erdha me Barcelonën vitin e kaluar, dhe tani jam i lumtur dhe i gatshëm ta përfaqësoj vetë klubin. Mezi pres të ndihmoj për të sjellë suksesin për të cilin përpiqet ky klub ambicioz”, ka shtuar ai.