SHBA: Do t’i qëndrojmë në krah Kosovës
Njohja reciproke dhe vendosja e marrëdhënieve diplomatike mes Kosovës dhe Izraelit është cilësuar historike nga ana e Departamentit Amerikan të Shtetit.
Zëdhënësi i Departamentit të Shtetit, Ned Price ka thënë se lidhjet ndërkombëtare më të thella ndihmojnë në promovimin e paqes dhe prosperitetit për të dy rajonet.
“Shtetet e Bashkuara të Amerikës përgëzojnë Izraelin dhe Kosovën për formalizmin e raporteve diplomatike. Kjo ditë ishte historike. Lidhjet më të thella ndërkombëtare ndihmojnë në promovimin e paqes dhe prosperitetit për të dy rajonet. Kur partnerët tonë janë të bashkuar, SHBA është e fortë. Amerika do t’i qëndrojë në krah Kosovës derisa vazhdon të lëvizë përpara drejt rrugës euro-atlantike”ka thënë Price në Twitter.
.@StateDeptSpox: The United States congratulates Israel and Kosovo on formally establishing diplomatic relations. Deeper international ties help promote stability, peace, and prosperity in both regions. https://t.co/N0lgxXY2fw pic.twitter.com/qZjyFlDFH6
— Department of State (@StateDept) February 3, 2021
Të hënën, më 1 shkurt edhe zyrtarisht Kosova dhe Izraeli zyrtarizuan marrëdhëniet diplomatike. Kjo njohje erdhi pas marrëveshjes së 4 shtatorit 2020 mes Kosovës dhe Serbisë në Uashington e që ndërmjetësues ishte ish-presidenti i Shteteve të Bashkuara të Amerikës, Dondald Trump./21Media