Shefja e klinikës ku po trajtohen të mbijetuarit: Janë djegur, kanë trauma të rënda

46 persona persona humbën jetën në një aksident të rëndë rrugor në të cilin një autobus maqedonas mori flakë në një autostradë në Bullgari.
Mes të vdekurve ishin 12 fëmijë. Në aksident ka humbur jetën edhe shoferi.
7 persona – 2 gra dhe 5 burra, kanë shpëtuar dhe janë vendosur në spitalin e “Pirogov”.
Në “Pirogov” ndodhen 7 persona, të gjithë me djegie në fytyrë dhe me probleme në rrugët e sipërme të frymëmarrjes. Dy janë me djegie në duar, të tjerët me plagë. Kështu tha prof. Maya Argirova, shefe e klinikës së djegieve në “Pirogov”.
Viktima e shtatë ka pasur frakturë dhe është vendosur në Traumatologji.
“Njerëzit janë në trauma të rënda, kanë humbur të afërmit, fëmijët. Ata u hodhën nga xhamat e autobusit, prej nga kanë marrë lëndimet”, shtoi Argirova.
Autobusi ka hyrë përmes pikës kufitare Kapitan Andreevo mbrëmë pak pas orës 21:00. Rreth orës 2.00 ka ndodhur një aksident në autostradën në drejtim të Sofjes – Bllagoevgrad./21Media