“Shoqet e veta po blejn sene e kjo po largohet si fukara”

Me lot në sy e më zë të shtërrur kërkon ndihmë

Familja Xhepa nga Komuna e Gjakovës, e përbër prej 7 anëtarëve nuk i ka kushtet esenciale për jetesë.

Kryefamiljari Bajrami nuk ka punë të rregullt pëveç që ndonjëherë punon me kalin e tij, e punën e njejtë e bejnë edhe vëllau dhe djali i tij, por kjo punë nuk u siguron as bukën.

“Qeshtu, Argat me punu najsen me kolicë tjera kah nuk kem të ardha, çka fitoj veç 3 deri në 5 euro po nuk um marrin… veç unë jam me kerr e me kali”, rrëfen kryefamiljari.

Ai tregon se mbete pa bukë e shpesh – herë merr ushqim hua. Atëherë kur i mbledh parat e paguan borxhin.

Ai rrëfen edhe brengen e vajzës së tij “Shoqet e veta po blejn sene e kjo po rrin si fukara, po duhet me u largu çika kur të blejn shoqet e veta deri sa të hajnë… tani me u bashku me shoqet”.

54 vjecari rrëfen se të tjerët nuk po e marrin për të punuar edhe për shkak të moshës.

E më e moshuara e familjes, Ilmie Xhepa me lot në sy e më zë të shtërrur kërkon ndihmë duke thënë “Kush na ndihmon Allahu i ndihmoftë, jeta jem shkoj po qeky le të knaqet”.

Kjo familje po jeton me frikën se do t’i rrënohet shtëpia dhe do t’i zë. E vetmja kërkesë e familjes është ta kenë një kulm mbi kokë./21Media

Shikoni Gjithashtu
Close
Back to top button
close button