Shqiptari arrestohet në Britani pasi iu gjet çaj mali

Shqiptari Agim Agaj, 53 vjeç, u arrestua në Angli pasi që dyshohej se po transportonte drogë.

Por në fakt siç ka treguar ai për mediat britanike, po barte bimë të çajit të malit.

Agaj ka treguar u kontrollua dhe u mbajt për 15 orë pasi gjethet e bimës së tij u pikasën kur furgoni i tij u ndalua, përcjell portali rtv21.tv

Oficerët që menduan se ishte marihuanë e mbajtën Agimin nën dyshimin e posedimit me qëllim furnizimi.

Por ishte shumë larg nga bosët e drogës, sepse kontejneri i madh plastik midis sediljeve të përparme përmbante vetëm çaj mali.

Agimi tha për The Sun: “Ishin dy policë.

“Një hapi derën e furgonit dhe pa se kisha një enë të madhe plastike.
“Ai i tha policit tjetër: ‘Ai ka marihuanë!’
“Unë thashë, ‘Kjo nuk është drogë. Është çaj mali!’
“Ata nuk dëgjuan. Më arrestuan.
“Çaji nuk duket aspak si barërat e këqija.”/21Media