Mbledhja e kryesisë së Kuvendit të Republikës së Kosovës, e paralajmëruar për nesër në orën 11:00, është shtyrë për një ditë tjetër. Në një njoftim nga Kuvendi thuhet se për mbajtjen e kësaj mbledhjeje do të njoftoheni me kohë.

KMDLNj i kishte rekomanduar sot Kuvendit të pezullojë të gjitha aktivitetet këtë javë për shkak të përshkallëzimit të pandemisë dhe për shkak se deputetë dhe administrata e Kuvendit janë të prekur me koronavirus.

KMDLNJ vlerëson se nuk ka kushte të mbahen seanca plenare derisa të përfundojnë testet dhe të dalin rezultatet, andaj rekomandon që administrata, Kryesia e Kuvendit dhe deputetët t’i nënshtrohen testit dhe vetëm pasi të dalin rezultatet, do të krijohet një pasqyrë më e qartë, në të kundërtën rrezikohet që COVID-19 të përfshijë një numër të madh të administratës dhe deputetëve.

Për këtë arsye KMDLNJ rekomandon të pezullohen aktivitetet e Kuvendit gjatë javës së ardhshme./21Media