S’i pastruan gomat, Policia u shqipton gjobë 1 mijë euro dy kompanive për ndotje të ambientit
Policia e Kosovës, ka gjobitur 3 kompani për ndotje të ambientit me gjobë prej 1 mijë eurosh.
Shoferët e kamionëve transportues nuk kishin kryer pastrimin e gomave të automjeteve, dhe si pasojë, tri lokacione të ndryshme është ndotur rruga magjistrale Ferizaj – Kaçanik.
Postimi:
Ndëshkohen dy kamionë (persona juridikë) në Ferizaj
Ferizaj, 20.12.2025
Pas ankesave të pranuara nga qytetarët përmes Qendrës së Komunikimit në Policinë Rajonale të Ferizajt, janë ndaluar nga policët e trafikut dhe ndëshkuar dy kamionë transportues me targa të huaja, të angazhuar nga kompani (persona juridikë).
Shoferët e autorizuar kishin për detyrë transportimin e dheut, mirëpo nuk kishin kryer pastrimin e gomave të automjeteve. Si pasojë, në tri lokacione të ndryshme është ndotur rruga magjistrale Ferizaj–Kaçanik – fshati Komogllavë.
Në bazë të Ligjit Nr. 08/L-186 për Rregullat e Trafikut Rrugor, neni 41, paragrafi 3, ndaj kompanive përgjegjëse është shqiptuar nga një gjobë në vlerë prej një mijë (1000) euro për ndotje të ambientit.
Policia Rajonale e Ferizajt apelon tek qytetarët dhe punonjësit e kompanive ndërtimore që gjatë kryerjes së punimeve të kenë kujdes të shtuar. Shoferit i ndalohet të hyjë nga një rrugë dytësore të pashtruar në rrugë të asfaltuar pa hequr baltën apo ndonjë material tjetër të papastërt nga rrotat.
Dëshiron ta dëgjosh këtë lajm me zë?