Sonte jepet shfaqja ”Inspektor Limi” në Gjilan

Sonte rreth orës 18:00 do të jepet komedia ”Inspektor Limi” në Gjilan, nga Lirak Çelaj me regji të Florent Mehmetit.
Kjo komedi do të jepet në kuadër të manifestimit ”Flaka e Janarit2022”.
Siç bëhet ditur në komunikatë ngjarja është e fokusuar në një kafene lagjeje, ku klientët e zakonshëm përfshijnë një shkencëtar që pretendon të ketë zbuluar makinën e kohës, por që askush nuk beson. Pronari i kafenesë, një diler i drogës i cili imponon e tmerron dy të parët, një gënjeshtar patologjik dhe nëna e tij me të cilën ka një marrëdhënie posesive, kamarierja e cila ka aspirata për muzikë moderne e cila vetëm muzikës nuk i ngjan dhe agjenti i fshehtë i antidrogës, Inspektor Lirimi.
Inspektor Limi ndikon si katalizator i ngjarjeve që zbërthejnë anën e fshehtë të këtyre karaktereve, të cilët deri më tani kuptojmë se janë fshehur pas roleve të tyre, duke pasur misione të fshehta dhe kontradiktore me karakterin e tyre parësor, duke shkaktuar një transformim të papritur për publikun.
Kjo shfaqje është prodhim i teatrit Oda dhe do të jepet në vend të shfaqjes ”Stiffler”, kjo pasi një aktori ka rezultuar pozitiv me COVID-19./21Media