Specializantët e Stomatologjisë kërkojnë të financohen nga Ministria e Shëndetësisë

 

Oda e Stomatologëve të Kosovës i ka drejtuar kërkesë Ministrisë së Shëndetësisë për mbështetje financiare të specializantëve të stomatologjisë.

“Duke u bazuar në detyrat e Odës së Stomatologëve të Kosovës në mbrotjen dhe promovimin e profesionistëve shëndetësorë, stomatologëve në sektorin publik dhe privat, Kryetari i OSK-së Prof. Dr. Blerim Kamberi i është drejtuar Ministrit të Shëndetësisë në detyrë, Zt. Armend Zemajt, me një kërkesë për mbështetjen financiare të specializantëve nga lëmitë e stomatologjisë të cilët janë me vetëfinancim”, thuhet në postimin që ka bërë Oda e Stomatologëve të Kosovës në Facebook.

Tutje në shkrim thuhet se “kjo kërkesë propozohet të realizohet përmes programit për subvencionimin e specializantëve, ashtu siç është bërë edhe më parë”./21Media