Stoltenberg në Beograd: Grumbullimi i ushtrisë serbe pranë Kosovës s’i ndihmon situatës

Sekretari i përgjithshëm i NATO-s, Jens Stoltenberg, tha në Beograd se autorët e sulmit në Banjskë duhet të vihen përpara drejtësisë. Pas takimit me presidentin serb, Vuçiq, sekretari i NATO-s tha se mbledhja e ushtrisë serbe në afërsi të vijës kufitare me Kosovës e përshkallëzon situatën dhe i bëri thirrje të gjitha palëve që të ulin tensionet e të përmbahen nga veprimet e dhunshme.

“KFOR- garanton një mjedis të sigurt dhe paqesor në Kosovë për të gjitha komunitetet. Do të vazhdojë që ta bëjë këtë në mënyrë të paanshme dhe në kuadër të mandatit të tij. Ne kemi përjetuar sulme dhe në shtator kemi parë edhe dhunë në Kosovë. Kjo është e patolerueshme dhe të gjithë autorët e tij duhet të vihen para drejtësisë. Është e mirë që Serbia është e gatshme që të kontribuojë në këtë përkushtim. Pas sulmeve të dhunshme NATO ka dërguar forca shtesë prej 1000 ushtarësh dhe kjo është forca shtesë me ë madhe e kontigjentit të NATO-s dhe kjo dëshmon se NATO është e gatshme që të ruaj paqen”, tha Stoltenberg.

Në konferencën me gazetarë me presidentin Vuçiq, sekretari i përgjithshëm i NATO-s tha se është me shumë rëndësi bashkërendimi i KFOR-it dhe Ushtrisë Serbe meqë kjo, sipas tij, shmangë mosmarrëveshjet.

“Llogaris në të gjitha palët që të ulin tensionet dhe të përmbahen nga veprime të dhunshme. Siç ia transmetova edhe presidentit Vucic gjatë takimit që kishim mbledhja e forcave ushtarake në afërsi të vijës kufitare nuk ndihmon por e përshkallëzon situatën. E mbështes themelimin e Asociacionit të Komunave me Shumicë Serbe në Kosovë dhe ky do të ishte çelësi i normalizimit të marrëhdëneive. Unë I bëj thirrje Beogradit dhe Prishtinës që të angazhohen në dialog nën lehtësimin e BE-së që është rruga e vetme për një paqe afatgjate dhe për stabilitet”, tha Stoltenberg./21Media