Studimi i fundit tregon se pse disa mace nuk mund të flasin me zë të lartë

Disa mace janë të qeta, ndërsa të tjera mjaullijnë me zë të lartë për të tërhequr vëmendjen. Ajo që bën diferencën mund të jetë e fshehur thellë në gjenet e tyre.

Nëse e keni ndarë ndonjëherë shtëpinë tuaj me më shumë se një mace, do ta dini sa të ndryshme mund të jenë personalitetet e tyre. Njëra mund të cicërojë për ushqim, të mjaullojë me zë të lartë në prehrin tuaj dhe të përshëndetë vizitorët në derë. Një tjetër mund të preferojë vëzhgimin e qetë nga larg.

Por pse disa mace bëhen shoqëruese llafazane, ndërsa të tjerat duken më të rezervuara?

Sipas një studimi të kohëve të fundit i udhëhequr nga studiuesi i jetës së egër Yume Okamoto dhe kolegët e tij në Universitetin e Kiotos në Japoni sugjeron se një pjesë e përgjigjes mund të qëndrojë te gjenet e maceve.

Në Japoni pronarëve të maceve iu kërkua të plotësonin një pyetësor në lidhje me macen e tyre që përfshinte ( Pyetësorin e Vlerësimit dhe Kërkimit të Sjelljes së Maceve ) dhe të merrnin një mostër ADN-je nga kafsha e tyre shtëpiake. Kjo anketë poashtu përfshinte pyetje në lidhje me një gamë të gjerë sjelljesh të maceve, mjaullima dhe vokalizime drejtuar njerëzve.

Studiuesit në studimin e fundit japonez u përqendruan në gjenin e receptorit të androgjenit (AR) të maceve, i cili ndodhet në kromozomin X. Ky studim gjen ndihmon në rregullimin e përgjigjes së trupit ndaj hormoneve të tilla si testosteroni dhe përmban një seksion ku përsëritet një sekuencë ADN-je. /21Media