Sulmet izraelite vrasin afro 500 persona në ditën më vdekjeprurëse të konfliktit të Libanit që nga viti 2006

Izraeli dhe Hezbollahu kanë shkëmbyer sulme ndërkufitare një ditë pasi sulmet ajrore izraelite që synonin grupin militant në Liban vranë afro 500 njerëz dhe plagosën 1600 të tjerë. E hëna ishte dita më vdekjeprurëse në vend në gati dy dekada .

Kryeministri izraelit, Benjamin Netanyahu i tha popullit të Libanit që të largohen nga zonat ku Izraeli po synon Hezbollahun dhe se vendi i tij nuk është në luftë me ta, por me grupin e mbështetur nga Irani.

Njerëzit po ikin nga shtëpitë e tyre pasi kanë marrë telefonata të automatizuara, mesazhe me tekst dhe transmetime që u bëjnë thirrje të evakuohen.

Izraeli dhe Hezbollahu kanë ngecur në përshkallëzim të ashpër që nga fillimi i luftës në Gaza. Por gjatë javës së kaluar, sulmet e përshkallëzuara të Izraelit ndaj Hezbollahut kanë rritur sërish frikën për një luftë më të gjerë rajonale.

Ushtria izraelite tha se po përgatitet për “fazat e ardhshme” pas sulmeve dhe nuk përjashtoi mundësinë e një pushtimi tokësor. Hezbollahu ka thënë se “një betejë pa kufi” ishte duke u zhvilluar. Irani, gjithashtu, e ka paralajmëruar Izraelin për “pasoja të rrezikshme” pas sulmeve të Izraelit./21Media