Susan Collins: Trump-i nuk di ende si të punohet me kongresin

“Ky President, është presidenti i parë në historinë tonë, i cili nuk ka përvojë politike e as ushtarake”

Senatorja e moderuar që po e kundërshton draftin në fuqi sa i përket projektligjit të senatit për sigurimin shëndetësor tha të martën se mungesa e përvojës politike e Donald Tramp-it është për t’u fajësuar pjesërisht për pengesat e Partisë Republikane për kalim të legjislacionit.

“Ka qenë një sfidë për të që të mësojë se si të bashkëveprojë me kongresin dhe ta shtyj përpara agjendën e  tij”, tha të martën mbrëma republikanja Sen. Susan Collins, shumë shkurt pasi CNN raportoi se udhëheqësi i shumicës së senatit Mitch McConnell do ta pengoj votimin e projektligjit deri pas pushimeve të 4 korrikut.

“Ky President, është presidenti i parë në historinë tonë, i cili nuk ka përvojë politike e as ushtarake”, shtoi Collins.

Senatorja e shtetit të Maine-s tha se dëshiron që Tramp-i  të ishte përpjekur të kalonte legjislacionet që mund të kishin mbështetjen dypartiake- si ajo e infrastrukturës, para se të trajtoj “çështje përçarëse politike dhe teknikisht të komplikuara, siç është kjo e sigurimit shëndetësor”.

Collins tha se ajo planifikon ta pranojë ftesën e Shtëpisë së Bardhë për një takim gjithëpërfshirës të senatorëve republikanë të martën vonë, por insistoi që nuk e ka ndërmend ta mbështes projektligjin.

“Nëse Presidenti e dëshiron një takim me mua, jam e sigurt që do të shkojë dhe ta dëgjoj se çka ka për të thënë. Do t’i them atij se ka aq shumë probleme thelbësore me projektligjin të cilat janë konfirmuar nga raporti i Zyrës Buxhetore të Kongresit, që është e vështirë ta shoh se si kjo do mund t’i kënaq bindjet e mia thelbësore sa i përket ndikimit të projektligjit.”

Pasi që Zyra Buxhetore e Kongresit e lëshoi rezultatin e saj dje sa i përket projektligjit, Collins e shprehu kundërshtimin e saj, i cili parasheh që 22 milionë njerëz do ta humbasin sigurimin nëse projektligji i Senatit hyn në fuqi./ 21Media